O‘zbekiston Respublikasi Prezidentini Shavkat Miromonovich Mirziyoyev tashabbusi bilan “Xorijiy tillarni o‘qitish bo‘yicha eng yaxshi maktab” tanlovi g‘oliblari Londonga tashrif buyurishdi!
16-24 dekabr kunlari Respublika bosqichining barcha ishtirokchilari 70 nafar talaba 14 nafar murabbiy bilan Buyuk Britaniya, Berkshir kollejida mamlakat madaniyati va tili bilan yaqindan tanishmoqda.
Bu erda ular Angliyani butunlay boshqacha nuqta nazardan ko‘rishdi. Londondan farqli o‘laroq, bu yerda sayyohlarni kamdan-kam ko‘rasiz. O‘quvchilar faqat yangi madaniyatni o‘rganish bilan cheklanib qolmay, balki chet elliklar bilan ham o‘zimizning madaniyatimizning bir qismini baham ko‘rishga qaror qilishdi. Ular milliy hunarmandchilik buyumlarini aholi va sayyohlarga esdalik sifatida taqdim qilishdilar va O‘zbekistonni uzoq yillar eslashiga ishonch hosil qilishdi. Dasturda Londondagi muzeylar, madaniyat markazlari, diqqatga sazovor joylarga tashrif buyurish va Oksford va Kembrij universitetlariga tashrif buyurish rejalashtirilgan.
Eslatib o‘tamiz, yozda olimpiadaning final bosqichida ishtirokchilar ingliz tilidan bilimini baholash bo‘yicha jamoaviy test sinovlarida qatnashgan. Bilimlar Cambridge Assessment English (Buyuk Britaniya) metodologiyasiga muvofiq Linguaskill testi yordamida baholandi.
Tanlov O‘zbekiston Respublikasi Xalq taʼlimi vazirligi va Vazirlar Mahkamasi huzuridagi Chet tillarni targ‘ib qilish agentligi va lm-fan va taʼlim-tarbiyani rivojlantirish fondi Ziyo Forum ko‘magida tashkil etilgan.
|
|
|
|
|
|
|
|
