Илм-фан ва таълим-тарбияни ривожлантириш Фонди

ИЖТИМОИЙ-СИЁСИЙ ЙЎНАЛИШ

 

ИЛМИЙ ВА АМАЛИЙ ЙЎНАЛИШ

ТАЪЛИМ ВА ТАРБИЯ ЙЎНАЛИШИ

Саволлар/жавоблар

Савол бериш
Савол
Фонд ҳамкорига айланиб, корҳона қандай афзалликларга эга бўлади?
Ma'mur
Фонднинг ҳамкорига айланиб, сиз катта жамоанинг бир қисмига айланасиз, унинг устувор вазифаси – келажак сифатини ошириш ва мамлакатимизнинг прогрессив жамиятини ривожлантириш. Мамлакатда юқори малакали ёш кадрлар заҳирасини яратишга ва янги илмий ишланмаларни жорий этишга қаратилган инновацион лойиҳалар ва дастурлар, шубҳасиз, жамоатчилик томонидан ҳурмат билан эътироф этилади. Бундан ташқари, Фонднинг ҳамкори сифатида сиз илғор технологиялар ва иқтидорли ёш кадрларга эга бўласиз. Бундай ҳамкорлик тажриба алмашиш ва икки томонлама ривожланиш учун замин яратади.
Савол
Фонд қайси ҳудудлар буйича ишлайди?
Ma'mur
Ҳозирги кунда Фонд Ўзбекистон Республикасининг барча ҳудудларида фаолият юритмоқда.
Савол
Фонд қандай дастурларни амалга оширади?
Ma'mur
Фонд уч йўналишда ишлайди:

– таълим–тарбия;
– илмий–амалий;
– ижтимоий–сиёсий.

Шундай қилиб, дастурларнинг аксарияти фан ва таълим соҳасига қаратилган. Мавжуд дастурлар ҳақида зарур маълумотларни веб–сайт, ижтимоий тармоқлар ва оммавий ахборот воситаларида топиш мумкин.
Савол
Фонд давлат органлари вакиллари томонидан қўллаб–қувватланадими?
Ma'mur
Фонд Ўзбекистон Республикаси Олий ва ўрта махсус таълим вазирлиги, Инновацион ривожланиш вазирлиги ва Фанлар академияси билан ҳамкорлик қилади.
Савол
Васийлик кенгаши қандай вазифаларни бажаради?
Ma'mur
Васийлик кенгашининг ваколатларига қуйидагилар киради:

— Фонд фаолияти ва унинг қонунчилик, Фонд устави ҳамда Васийлик кенгашининг қарорларига мувофиқлиги устидан назоратни амалга ошириш;
— Фонднинг уставига киритиладиган ўзгартириш ва қўшимчаларни тасдиқлаш;
— кенгаш ва тафтиш комиссиясини тузиш;
— Фонднинг пул маблағлари ва бошқа мол–мулкидан фойдаланишни назорат қилиш;
— бюджетни тасдиқлаш;
— йиллик балансни, йиллик молиявий ҳисоботни, шу жумладан, жамғарма бошқаруви фаолияти тўғрисидаги ҳисоботни тасдиқлаш;
— Фонд фаолиятини текшириш учун аудиторлик ташкилотининг навбатдан ташқари жалб қилиниши тўғрисида қарор қабул қилиш;
— устав мақсадлари ва вазифаларига зид бўлган Фонд бошқаруви қарори ижросини тўхтатиш ёки бекор қилиш;
— Фондни қайта ташкил этиш тўғрисида қарор қабул қилиш.
Савол
Фонд қандай технологияларни жалб қилади?
Ma'mur
Фонд таълим сифатини ошириш, илмий изланишларни амалга ошириш ва мамлакатда юқори малакали ёш кадрлар заҳирасини яратиш мақсадида ташкил этилган. Шу сабабли, Фонд амалий ва тижоратлаштирилган технологияларни жалб қилади. Бунда таълим, илмий тадқиқот лабораториялари ва экспериментал ишлаб чиқаришда инновацион технологияларига устувор аҳамият берилади.

Бундан ташқари, миллий ва халқаро даражада турли ташкилотлар билан шериклик алоқаларини ўрнатиш, меморандумлар ва битимларни имзолаш, лойиҳаларни биргаликда амалга оширишни режалаштириш бўйича ишлар олиб борилмоқда.
Савол
Молиялаштириш муҳтож ва бунга лойиқ бўлганларга етиб боришини қандай текшириш мумкин?
Ma'mur
Хайрия маблағлари мақсадли йўналтирилган бўлиши мумкин ва фонд улар тўғрисида алоҳида ҳисобот беради. Умумий хайрия маблағлари ва харажатлар веб–сайтда тақдим этилган йиллик ҳисоботларда акс эттирилган.
Савол
Фонд ходимлари маош оладими? Агар шундай бўлса, қайси манбалардан?
Ma'mur
Фонд мол–мулки Фонднинг устав мақсадлари ва вазифаларини бажариш ва маъмурий харажатларни қоплаш учун сарфланади. Маъмурий харажатлар Фондни бошқариш билан боғлиқ ҳисобот давридаги барча харажатларни, биринчи навбатда унинг активларини сақлаш ва қўллаб–қувватлаш учун, устав мақсадлари ва вазифаларини амалга ошириш учун реклама харажатлари, шунингдек, қонун ҳужжатларига мувофиқ Фонд фаолияти билан боғлиқ харажатлар ва тўловларни ўз ичига олади. Маъмурий харажатларнинг йиллик умумий суммаси, шунингдек, ходимларнинг ўз функцияларини бажариши билан боғлиқ харажатлар учун ҳақ тўлаш ва компенсация тўловлари жамғарма харажатларининг 20 фоизидан ошмаслиги керак. Ушбу чеклов хайрия дастурларини амалга оширишда иштирок этадиганларга иш ҳақи тўланишига тааллуқли эмас.
Савол
Фонд қандай воситаларда мавжуд? Маблағлар қандай тақсимланади?
Ma'mur
Фонд келиб тушадиган хайрия маблағларига мавжуд. Шунингдек, Фонднинг мол–мулкини шакллантириш манбалари қуйидагилар бўлиши мумкин:

– юридик ва жисмоний шахсларнинг ихтиёрий хайриялари;
– юридик ва жисмоний шахслар, давлат, хорижий ва халқаро ташкилотлар, хорижий давлатлар томонидан бериладиган грантлар;
– фонд фаолиятидан олинадиган даромадлар;
– қонун ҳужжатларида тақиқланмаган бошқа манбалар.

Ҳозирги вақтда Фонд мақсадлари ва лойиҳаларини амалга ошириш учун миллий, хорижий ва халқаро манбалардан хайрия маблағларини жалб қилиш, шунингдек, Фонд томонидан танланган ва тавсия этилган пулнинг лойиҳаларини йиғиб амалга ошириш бўйича тизимли ишлар олиб борилмоқда.
Савол
Фонд аъзосига айланган киши қандай мажбуриятларни бажаради?
Ma'mur
Фонд, масалан, жамоат ташкилотлари ва бирлашмалари каби аъзоликни назарда тутмайди. Шу билан бирга, ҳам жисмоний, ҳам юридик шахслар Фонд билан биргаликда фаолият олиб боришлари мумкин. Масалан, биринчилари ихтиёран ёки эксперт сифатида Фонд лойиҳаларига жалб қилиниши мумкин. Ўз навбатида, компаниялар Фонд лойиҳаларида ҳамкор сифатида иштирок эта олади. Қонунга мувофиқ, ҳар қандай шахс хайрия ёрдамини кўрсатиши мумкин.
Савол бериш
Diqqat! Yuborilgan xabar faqat sayt ma'murini tekshirgandan so'ng paydo bo'ladi!
Бизни қандай топиш мумкин?
МАНЗИЛ

Тошкент ш., Олмазор тумани, Талабалар кўчаси, “Маънавият ва Маърифат Маркази” биноси

ТЕЛЕФОН
E-Mail:

info@ziyoforum.uz

АРИЗА БЕРИШ

УШБУ ШАКЛНИ МАЪЛУМОТЛАР БИЛАН ТЎЛДИРИНГ ВА МУТАХАССИСИМИЗ СИЗ БИЛАН БОҒЛАНАДИ

Сайтдаги барча материаллар қонун ҳужжатларига мувофиқ, жумладан, муаллифлик ҳуқуқи ва турдош ҳуқуқлар тўғрисидаги Қонун билан ҳимояланади