Yoshlar markazi
Loyiha haqida maʼlumot:
Yoshlar markazi – «Ziyo Forum» xalqaro fan va ta’limni rivojlantirish jamg‘armasining yoshlarni rivojlantirish va qo‘llab-quvvatlashga bag‘ishlangan loyihalaridan biridir. Yoshlar markazimiz yoshlarga o‘z salohiyatini ro‘yobga chiqarish, shaxsiy va kasbiy rivojlanishi, jamiyat hayotida ishtirok etishi uchun turli xizmatlar va dasturlarni taqdim etishi mumkin.
«Ziyo Forum» yoshlar markazi talabalar tashabbuslarini har tomonlama qo‘llab-quvvatlash, talabalar o‘rtasida tarmoq o‘rnatish va talabalarning o‘z-o‘zini rivojlantirishga ko‘maklashishga intiladi. Yoshlar markazida o‘z maqsadlariga erishish uchun barcha shart-sharoitlar mavjud: Wi-Fi tarmog‘iga ega kovorking maydoni, ma’ruza zallari, kutubxona, matematika, robototexnika, ingliz tili kurslari va bularning barchasi bepul. Markaz talabalarning yangi g‘oyalari va ijtimoiy loyihalariga ochiq, sizga yordam berishga va sizni qiziqtirgan masalalar bo‘yicha yo‘l-yo‘riq ko‘rsatishga tayyor.
